Towards Meaningful and Enlightenimg English

Towards Meaningful and Enlightenimg English

English Learning Book

A book by Professor Ghulam Hussain Manganhar
Mastering English Through
Grammar,Vocabulary and Composition.

پروفیسر غلام حسین منگنہار صاحب کا نام وادیٔ مہران میں تعلیمی و تدریسی خدمات کے حوالے سے کسی روایتی تعارف کا محتاج نہیں۔ ان کا تعلق گاؤں ہنگورو، تحصیل پنو عاقل، ضلع سکھر، صوبہ سندھ سے ہے۔ انہوں نے اپنی پہلی ملازمت 1966ء میں پاکستان ریلوے سے شروع کی جہاں انہوں نے تقریباً 7 سال کام کیا۔ 1970ء میں انگریزی ادب میں ایم اے کیا اور 1973 کے اوائل میں حکومتِ سندھ کے محکمہ تعلیم میں انگریزی کے لیکچرار کی حیثیت سے شامل ہوئے۔ 1981ء میں انہیں سینٹرل اوورسیز ٹریننگ اسکالرشپ سے نوازا گیا اور انہوں نے کینیڈا کی ایک یونیورسٹی سے انگریزی ادب میں ایک اور ماسٹرز ڈگری کے لئے تعلیم حاصل کی۔ بعد ازاں 1984ء میں آسٹریلیا کی ایک یونیورسٹی میں ڈھائی سال تک انگریزی ادب پر تحقیقی کام بھی کیا۔ اِس وقت وہ سکھر آئی بی اے یونیورسٹی، سندھ میں انگریزی کے پروفیسر کے طور پر خدمات سرانجام دے رہے ہیں۔

پروفیسر منگنہار صاحب ایک طویل عرصے سے وفاقی اور صوبائی سروسز کے امیدواروں کو ٹیوشن فیس کے بغیر انگریزی مضمون اور کمپوزیشن پڑھاتے رہے ہیں۔ انہیں ایک سینئر استاد اور پاکستان بھر میں قابل رشک عہدوں پر فائز عہدیداروں اور مختلف مسابقتی امتحانات کے کامیاب امیدواروں کے استاد اور مینٹور ہونے کا فخر حاصل ہے۔ انہوں نے 50 سال سے زائد عرصے تک کالج اور یونیورسٹی کی سطح پر انگریزی زبان پڑھائی ہے۔

یہ کتاب پانچ دہائیوں پر مشتمل، ان کے شاندار تعلیمی تجربے کا نچوڑ ہے کہ جو وقت کی ضرورت کے عین مطابق انگلش کمپوزیشن کے فن اور اہم فنکشنل ووکیبلری پر ایک جامع کتاب ہے۔ ویسے تو بازاروں میں انگلش کی درجنوں کتابیں دستیاب ہیں لیکن، بلامبالغہ، یہ کتاب پڑھنے والوں کو بہت مفید، دلچسپ، قابل اعتماد، تخلیقی مضامین سے بھرپور، بات چیت کی مہارت اور زبان کے بہترین علم کے حوالے سے نہایت قیمتی لگے گی۔

یہ انگریزی کی روایتی کتابوں سے بہت ہٹ کر ہے جس میں اسٹوڈنٹس کو حقیقی زندگی کے تجربات کی روشنی میں کمپوزیشن کے فن اور غلطیوں کی درستگی کرنا سکھایا گیا ہے۔ باذوق قارئین اس کتاب میں انگلش زبان کی معیاری ترکیب، گرامر کے عملی اصولوں، مختلف جملوں کے ڈھانچے، الفاظ کے مناسب استعمال اور تخلیقی مضامین لکھنے کے فن کے بارے میں مؤثر اور درست معلومات سے ضرور فائدہ حاصل کرینگے اور یقیناً انگریزی زبان و ادب کے شاگرد اس کتاب کو انتہائی قابل قدر اور اپنے اسٹڈی روم کی بہترین کتب میں سے پائیں گے۔

اس کتاب کو خریدنے کیلئے نیچے دیے گئے لنک پر کلک کریں۔

https://gufhtugu.com/towards-meaningful-and-enlightening-english/

#Gufhtugu