"بدڪردار ماڻھونء جي آخري پناه گاه مّذھب ھوندو آھي ,"مجید منگی

 بدڪردار ماڻھونء جي آخري پناه گاه مّذھب ھوندو آھي ,"مجید منگی 

MAJEED MANGI SAHIB

لبنان جي ڏاھي ۽ انساني ڏکن کي پنھنجو ڏک سمجھي تشريح ڪندڙ جبران خليل جبران  جي چيل خوبصورت جملي ,
 "بدڪردار ماڻھونء جي آخري پناه گاه مّذھب ھوندو آھي ,"
کي پڙھندي منھنجي اڲيان ڊڪٽيٽر ضيا , شھيد ڀٽي خلاف آمريڪي ڊالرن جي حٻڇ تي مدرسي جي کٿاڀين زريعي ھلايل تحريڪ , آمريڪي ايجنٽي زريعي طالبان پيدا ڪري پاڪستان ,افغانستان سميت  پوري دنيا جي پرامن انسانن تي بابري جھالت مڙھيندڙن , تازو لاھور ۽ سيوھڻ جي مدرسي ۾ ٻارڙن کي ظلم جو نشانو بڻائي سندس اڲٺ سان گھٽا ڏئي قتل ڪندڙ ۽ پرامن مّھذب اسلام کي بدنام ڪندڙ جاھل مولوين جو وحشي چھرو سامھون اچي ويندو آھي .
جبران جيڪڏھن اڄ جي سنڌ ۾ پيدا ٿي ھان ته اڲ چيل جملي کي وسعت ڏئي چوي ھان ته ,
"بدڪردار حاڪمن ۽ چور  ڪامورن جي مستقل پناگاه مذھب ھوندو آھي ,"
ھي عظيم ايڌي جو پورٽريٽ بلوچستان جي حڪومت  ڪوئٽا ۾ نصب ڪرايو آھي , ايڌي ڪنھن خاص نسل ,قوم ,وطن ۽ مذھب جي زنجيرن ۾ قيد ٿيل غلام انسان  ڪونه ھيو  پر فطرت ۾ پرواز ڪندڙ ھڪ ڪائناتي انسان ھيو , ان ڪري بلوچستان سميت پوري ملڪ جو حق آھي ته ھن عظيم انسان جو پورٽريٽ پنھنجن چوراھن تي نصب ڪري ايندڙ ويندڙ انسانن کي يادگيري ڏيارين تي ھن مختصر دنيا ۾ به تاحيات زنده رھجي سگھجي ٿو ,
پرسڀ کان پھريون حق  سندس گھر واري صوبي سنڌ جو ھيو ته گھٽ ۾ گھٽ  سندس پورٽريٽ سنڌ جي وڏن شھرن جي چوراھن تي ھڻي پنھنجو فرض ۽ سندس مان مٿانھون ڪن ھان , دراصل سنڌ جي حڪمرانن کي ايڌي جھڙن انسانن بجاء بي ضمير وطن فروشن ۽ سنڌي عوام جو رت چوسيندڙ ئي وڌيڪ عزيز آھن , جتان سندن عياشين جا دروازا کليل رھن ٿا ,
پوري دنيا ۾ عظيم انسانن جا پورٽريٽ لڲائي مھذب پڻي ۽ شعوري حڪمران ھجڻ جو ثبوت ڏنو وڃي ٿو اسان جي سنڌ جي چور حڪمرانن وري  شھيد ڀٽي ۽ بينظير  جي قاتل ضيا ۽ طالبان ڪلچر کي زنده رکندي 5 لک روپين جو مذھبي پورٽريٽ 15 لک ڏيکاري سنڌ جي ڲوٺن ۽ شھرن ۾ ھنيو آھي ,جنھنجي پھرين ئي ھفتي ۾ شاٽ سرڪٽ سبب بجلي غائب ۽ سفيد ھجڻ سبب مٽي ۽ ڌوڙ جي تھن چڙھڻ سبب خدا جي 99 نالن جي عزت نه پر توھين ٿي محسوس ٿئي , ٽنڊي ڄام ٽول پلازه اڲيان ٿيٻا اسٽاپ وٽ گند جي ڍير جي وچ تي , قمبر جي ڀٽي چوڪ ۽ قاسم آباد ۾ ڏسي سگھو ٿا ,
حيدرآباد جي پراڻي ون يونٽ ۽ ھاڻي جي شھباز بلڊنگ جيڪا سنڌ جي سڀ کان موسٽ ڪرپٽ ادارن جو مرڪز آھي ان جي ڀتين تي خوبصورت رنگ سان خدا جي ھر نالي کي اردو جي غلط ترجمي سميت لکي چور ڪامورن پاڻ کي شيلٽر ڏنو آھي , خدا جي ھڪ نالي جو ترجمو لکيو اٿن "ذلیل کرنے والا "
 رحمان رحيم کي ھن نالي سان پڪارڻ ڪيئن ٿو لڲي , ذليل لفظ نيگيٽوٽي ۾ اچي ٿو سزا ڏيندڙ به ڪنھن کي ذليل نٿو ڪري سگھي . 
رياست ۾ رھندڙ سمورن انسانن جو حق آھي ته ٻين جي احساسن جو خيال ڪندي  پنھنجي عقيدي يا مذھب مطابق زندگي گذارين ۽ رياست جو فرض آھي ته رھندڙ سمورن انسانن جي مذھبن جو خيال ڪندي پاڻ کي آزاد رکي ,
ڀٽي شھيد لاڙڪاڻي ۾ سوئيڪارنو , نڪسن ڪمال اتاترڪ  سميت  ڪراچي ۾ ٽن  تلوارن ۽ ٻن تلوارن جي نالن سان خوبصورت چوڪ ٺاھيا ,
چور سنڌ حڪومت کي گذارش آھي , سنڌ جي شھرن ۽ چوڪن تي جنم ڀومي مطابق , حيدربخش جتو ئي , جي ايم سيد ,رسول بخش پليجي. استاد بخاري ,شيخ اياز , سوڀو گيانچنداڻي , فاضل راھو , محمد ابراھيم جويو ,  ايڌي , اديب رضوي , شھيد ڀٽي بينظير جا مجسما ۽ انھن جي خوبصورت چوڻين سان پورٽريٽ ۽  چوڪ ٺاھين , جيئن پنھنجي قوم مستقبل جي اعلي ۽ باشعور قوم ۾ رڱجي وڃي .